Útgáfa


MD Reykjavík gefur út fjölbreytt úrval upplýsinga- og afþreyingarmiðla fyrir ferðamenn

Iceland Review

Iceland Review blaðið tekur fyrir það áhugaverðasta í íslenskri menningu, mannlífi og náttúru. Blaðið kom fyrst út 1963 og er því elsta tímarit um Ísland sem gefið er út á ensku. Iceland Review er gefið út sex sinnum á ári í 20.000 eintökum.
Iceland Review er keypt áskriftarblað og eru áskrifendur víðsvegar um heim. Blaðið er einnig eina afþreyingarefnið sem dreift er í komusal Leifsstöðvar. Það fæst einnig í What’s On upplýsingamiðstöðinni ásamt því að sendiráð innlendis og erlendis eru áskrifendur

What's On

What’s On in Reykjavík er einn helsti upplýsingamiðill ferðamanna á höfuðborgarsvæðinu. Blaðið hefur komið út síðan 1982 og er gefið út mánaðarlega í 12.000-15.000 eintökum. Því er dreift á flesta gististaði í Reykjavík, sem og á helstu ferðamannastaði á höfuðborgarsvæðinu.
Upplýsingarmiðstöðvar What’s On og vefurinn www.whatson.is styðja við útgáfuna og sjá til þess að öllum upplýsingaþörfum ferðamanna sé fullnægt.

Reykjavík City Guide

Reykjavík City Guide er einn vandaðasti upplýsingabæklingur höfuðborgarsvæðisins. Í honum má finna yfirgripsmiklar upplýsingar um allt sem ferðamenn þurfa að vita meðan á dvöl þeirra í borginni stendur. Bæklingurinn kemur út árlega að vori í 100.000 eintökum og er dreift jafnt yfir árið. Reykjavík City Guide er upplýsingaritið sem starfsmenn Höfuðborgarstofu reiða sig á.
Í desember kemur út sérútgáfa af Reykjavík City Guide, Reykjavík Christmas Guide, með opnunartíma verslana og þjónustu yfir hátíðirnar sem hefur reynst afar vinsæl.

Akureyri Guide

Undir sama vörumerki kemur einnig út Akureyri Guide, þar sem finna má allar helstu upplýsingar um höfuðstað Norðurlandsins og nærliggjandi bæjarfélög.
Akureyri Guide kemur út í 30.000 eintökum einu sinni á ári og er dreift allt árið á helstu ferðamannastöðum á norðurlandi.
Akureyri Guide er opinbert upplýsingarit Akureyrarbæjar.

ANING

Ferðabókin Áning inniheldur yfirgripsmiklar upplýsingar um helstu gististaði fyrir ferðamenn. Bókin er sívinsæl en Áning tekur einnig til tjaldsvæða og sundlauga landið allt um kring. Er hún lykilrit fyrir skipulagningu ferðalags hér á landi. 50.000 eintökum af Áningu er dreift víðsvegar um landið.

Iceland Review Kort

Map of Iceland er eitt vinsælasta ferðamannakortið í dag og kemur það í 320.000 eintökum yfir árið. Kortið hefur að geyma alls kyns fróðlegar upplýsingar um land og þjóð ásamt ítarlegu vegakorti. Map of Iceland kemur út bæði vetur og sumar, í 160.000 eintökum hvort misserið.
Map of Reykjavík er ítarlegt ferðakort fyrir stórhöfuðborgarsvæðið sem að gefið er út í 320.000 eintökum.
Kortunum er dreift víða, svo sem í upplýsingamiðstöðvar, bensínstöðvar, bílaleigur ásamt helstu áfangastöðum ferðamanna

Borðkort What's On

Borðakort What’s On er afrifukort sem að dreift er í móttökur á hótelum og gististöðum á höfuðborgarsvæðinu. Er kortinuu ætlað að aðstoða ferðamönnum við að komast á áfangastaði og er það í mikilli notkun. Kortið kemur í 60.000 eintökum bæði vetur og sumar. Borðakortið inniheldur ítarlegt kort af höfuðborgarsvæðinu ásamt Íslandskorti á bakhliðinni

Flybus (Reykjavík Excursions

Reykjavik Excursions blaðinu er dreift er í rútur Reykjavík Excursions. Fleiri en milljón farþegar ferðast með rútunum á hverju ári og My Destination Reykjavík er eina afþreyingarefnið sem boðið er upp á. Blaðið kemur út í 25.000 eintökum tvisvar sinnum á ári, um vetur og sumar.

Íslandsbækur

Íslandsbækurnar Around Iceland eru einar viðamestu leiðsögubækurnar um Ísland. Hafa þær komið út í áraraðir og innihalda þær ítarlegar upplýsingar um bæjarfélög og áfangastaði um land allt. Bækurnar koma út á íslensku, ensku og þýsku í 124.000 eintökum á ári (60.000 á ensku, 30.000 á þýsku og 30.000 á íslensku). Bækurnar eru einna helst hugsaðar fyrir ferðalanga sem að hafa kosið að keyra sjálfir um landið. Eru bækurnar í dreifingu allt árið á helstu ferðamannastöðum víðsvegar um landið.

icelandreview.com

Icelandreview.com er einn vinsælasti fréttavefur landsins, en vefnum er ætlað að veita fréttaflutning af Íslandi fyrir útlendinga. Vefurinn er með 400.000 – 500.000 flettingar á mánuði og er umferðin að mestu erlent fólk. Hluti af efni Iceland Review blaðsins birtist einnig á fréttavefinum

Um okkur


MD Reykjavík er öflugur útgefandi á sviði ferðaþjónustu. Fyrirtækið er stofnað árið 2013 en hefur vaxið og dafnað síðan þá í krafti vandaðrar og faglegrar starfsemi. Þrátt fyrir að fyrirtækið sé ungt að árum er stór hluti útgáfunnar mun eldri, elsta tímaritið sem við gefum út er Iceland Review, stofnað árið 1963!

Útgáfan á vegum fyrirtækisins er fjölbreytt, allt frá upplýsingaritum fyrir íslenska sem og erlenda ferðamenn yfir í afþreyingarrit sem fjalla um það helsta í íslensku samfélagi. Þar að auki gefum við út kort af Reykjavík og Íslandi sem njóta mikilla vinsælda. Iceland Review og What‘s On eru meðal elstu ferðamannatímarita landsins og hafa svo sannarlega staðist tímans tönn. Önnur rit, á borð við Reykjavík City Guide og Akureyri Guide eru nýrri en standa þó langlífu tímaritunum ekki að baki. Að sama skapi er lögð áhersla á að halda góðu sambandi við dreifingaraðila og þess vel gætt að dreifing ritanna sé í góðu samræmi við efnistök hvers miðils fyrir sig. Að lokum má geta þess að MD Reykjavík rekur upplýsingamiðstöð fyrir ferðamenn undir merkjum What‘s On á besta stað á Laugaveginum, þar sem koma yfir 150.000 gestir á ári.

Lögð er áhersla á að allt efni í blöðunum sé vandað og vel unnið. Efnið er unnið í góðri samvinnu íslenskra og erlendra penna svo þar kemur saman yfirgripsmikil þekking á landi og þjóð og hið glögga gests auga.

Hafðu samband


Ef þú vilt vita meira um útgáfuna eða auglýsingar, ekki hika við að hafa samband.

Upplýsingar

Laugavegur 3, Reykjavik
+354 537-3900
mdr@mdr.is

-->